మహిళా జర్నలిస్టులను విచారించిన సిట్ అధికారులు..

Posted: 01/22/2015 09:21 PM IST

కేంద్ర మాజీ మంత్రి, కాంగ్రెస్ పార్టీ సీనియర్ నేత శశిథరూర్ సతీమణి సునంద పుష్కర్ మృతి కేసులో ప్రత్యేక దర్యాఫ్త సంస్థ గురువారం పలువురు మహిళా జర్నలిస్టులను విచారించింది. మరణానికి కొన్ని గంటల ముందు సునంద పుష్కర్ మాట్లాడిన జర్నలిస్టులను పలు ఆంశాలపై ప్రశ్నించింది. సునంద పుష్కర్‌ హత్య కేసు దర్యాప్తును ముమ్మరం ప్రత్యేక దర్యాప్తు బృందం అధికారులు... ఈ కేసును చేధించేందుకు వేగంగా అడుగులు వేస్తున్నారు. ఇప్పటికే సుమారుగా ఏడాది గడిచినందున.. సాక్షాలు తారుమారు కాకుండా అన్ని పకడ్భంధీ చర్యలు తీసుకుంటున్నారు. ఈ కేసు విషయమై ఇప్పటికే సునంద భర్త, కాంగ్రెస్‌ మాజీ మంత్రి శశిథరూర్‌ సహా పలువురిని ప్రత్యేక దర్యాప్తు బృందం అధికారులు ప్రశ్నించారు. ఇప్పుడు కొందరు మహిళా, పురుష జర్నలిస్టుల నుంచి వివరాలు సేకరించారు.

సునంద పుష్కర్‌ అనుమానాస్పద మృతి కేసు చేధనలో మహిళా జర్నలిస్టుల నుంచి పోందిన సమాచారాన్ని కూడా క్రోడికరించుకుని కేసు దర్యాప్తును మమ్మరం చేస్తున్నారు. వారి నుంచి కీలక సమాచారాన్ని రాబట్టాలని పోలీసులు భావిస్తున్నారు. జర్నలిస్టులు చెప్పిన విషయాలతో శశిథరూర్‌ చెప్పిన వివరాలను పోల్చుకోనున్నారు. మహిళా జర్నలిస్టులతో ఐపీఎల్ విషయం, లేదా పాకిస్తాన్ జర్నలిస్ట్ మెహర్ తరర్ విషయాలు ఏమైనా చెప్పారా అని ఆరా తీసే ప్రయత్నం చేశారని తెలుస్తోంది. ఆమె అసలు విలేకరుల సమావేశం ఎందుకు పెట్టాలనుకున్నారో తెలుసుకునే ప్రయత్నం చేస్తున్నారు. శశిథరూర్‌కు పాకిస్థాన్ న్యూస్ ప్రెజెంటర్ మెహర్ తరర్‌తో నడిపి అఫైర్ కు సంబంధించిన సమాచారంతో పాటు ఐపీఎల్ విషయంలో సునంద నోరు విప్పేందుకు ప్రయత్నాలు చేశారనే వార్తల నేపథ్యంలో దర్యాఫ్తు బృందం ఇద్దరు మహిళా జర్నలిస్టులను, ఒక పురుష జర్నలిస్టును విచారించినట్లు సమాచారం

జి. మనోహర్