టి.వి ద్వారా కెసిఆర్ ప్రజల వద్దకు పాలన

Posted: 01/02/2015 10:22 AM IST

ఎన్నో క్రొత్త మాటలు, సరిక్రొత్త వాగ్దానాలతో ప్రజల ముందుకు వస్తున్న కెసిఆర్ మరో హామీ ని తెర పైకి తీసుకొచ్చారు.  హైదరాబద్ మహా నగరాన్ని అందరం కలిసి అభివృద్ధి చేసుకుందామని... త్వరలోనే నగరాని అత్యంత సుందరంగా తీర్చిదిద్దుతామని చెప్పారు. దానికి ప్రజలందరి సహాకారం కావాలన్నారు. రానున్న రోజుల్లో జంట నగరాలకు అమెరికా లోని డల్లాస్ తరహా లో మల్టి లెవెల్ ఫ్లై ఓవర్లు తీసుకురానున్నట్లు వెల్లడించారు. దీనికి సంబంధించి ఇప్పటికే ప్రణాళికలు కూడా రుపొందయన్నారు. కొన్ని రోజుల్లో వీటిని ప్రజల ముందుకు తీసుకొస్తామని తెలిపారు.

హైదరాబాద్ లో 15 ఏళ్ళ క్రితమే ట్రాఫిక్ కష్టాలు మొదలైన పాలకులు ఏమి చేయలేకపోయారని విమర్శించారు. ప్రస్తుతం ఉన్న ఫ్లై ఓవర్లు ప్రజల ఆవసరాలకు అనుగుణంగా లేవన్నారు. నగరాభివృద్ది క్రమం లో ప్రజలకు స్వల్ప ఇబందులు రావచ్చని తెలిపారు. త్వరలోనే నగర అభివృద్ధి పై ప్రజల మధ్యకు టి వి ల ద్వారా ప్రజలతో ముఖాముఖీ నిర్వహించనున్నట్లు తెలిపారు. హైదరాబాద్ నగరాన్ని అందరం కలిసి అభివృద్ధి చేసుకోవాల్సిన అవసరం ఎంతైనా ఉందన్నారు.

హరికాంత్