ఆ ఇద్దరు నేతలకు ప్రధాని మోదీ జన్మదిన శుభాకాంక్షలు

Posted: 12/25/2014 01:24 PM IST

భారత మాజీ ప్రధాని, బీజేపి నేతలలో అగ్రగన్యుడు అటల్ బీహారీ వాజ్ పాయ్ జన్మదినాన్ని పురస్కరించుకుని అనేక మంది బీజేపి కార్యకర్తలు ఆయన జన్మదిన శుభాకాంక్షలు అందించారు. భారత ప్రధాని నరేంద్రమోడీ కూడా వాజ్ పాయ్ కు జన్మదిన శుభాకాంక్షలు తెలిపారు. వాజ్ పాయ్ 90 జన్మదినం సందర్భంగా ప్రధాని మోడీ ఆయన నివాసానికి వెళ్లి కలసి ఆయన ఆశీర్వచనాలు పొందారు. అనంతరం ఆయనకు జన్మదిన శుభాకాంక్షలు తెలిపారు. ప్రధాని సహ పలువురు రాజకీయ ప్రముఖులు రాజకీయ ధురంధరుడికి జన్మదిన శుభాకాంక్షలను అందజేశారు.

అటు పాకిస్థాన్ ప్రధాన మంత్రి నవాజ్ షరీఫ్ జన్మదినాన్ని పురస్కరించుకుని భారత ప్రధాని నరేంద్రమోడీ ఆయన జన్మదిన శుభాకాంక్షలు తెలిపారు. షరీప్ ఎల్లపుడూ మంచి ఆరోగ్యంతో వుండాలని ప్రార్థిస్తున్నానంటూ ట్విట్ చేశారు. పాక్ ప్రధాని 65వ వడిలలోకి అడుగుపెట్టిన సందర్భంగా ఆయన పలువరు పాకిస్థాన్ నేతలు సహా ప్రపంచ నేతల నుంచి జన్మదిన శుబాకాంక్షలు అందుకున్నారు. ఈ నేపథ్యంలో ప్రధాని మోడీ కూడా ఆయన జన్మదిన శుభాకాంక్షలు తెలిపారు. ఈ నెల 16న ఫెషావర్ సైనిక పాఠశాలపై తాలిబన్ ఉగ్రవాదులు జరిపిన దాడి నేపథ్యంలో భారత్ పాకిస్థాన్ కు మద్దతు తెలిపింది.

జి. మనోహర్