నవ్యాంధ్ర రాజధానిలో భూముల లావాదేవీలు యదాతథం

Posted: 12/18/2014 11:40 PM IST

విజయవాడ గుంటూరు సరిహద్దు ప్రాంతంలో నవ్యాంధ్ర రాజధానిని నిర్మించాలని యోచిస్తూ, రిజిస్ట్రేషన్లను నిలిపివేసిన ఆంధ్రప్రదేశ్ ప్రభుత్వానికి హైకోర్టులో చుక్కెదురైంది.  విజయవాడ-గుంటూరు-తెనాలి-మంగళగిరి (వీజీటీఎం) ఉడా పరిధిలో రిజిస్ట్రేషన్లు యథావిథిగా చేసుకోవచ్చని హైకోర్టు తాత్కాలిక ఉత్తర్వులు జారీ చేసింది. ఏపీ కొత్త రాజధాని ప్రాంతం వీజీటీఎం ఉడా పరిధిలోకి రావడంతో ఆ పరిధిలోని భూముల రిజిస్ట్రేషన్లు, లేఅవుట్, గ్రూప్ హౌసింగ్స్ను నిషేధిస్తూ  ఏపీ ప్రభుత్వం  మెమో జారీ చేసింది. దీనిని సవాలు చేస్తూ ఓ వ్యక్తి హైకోర్టును ఆశ్రయించారు.  

ఆ పిటిషన్ను విచారించిన హైకోర్టు ఆ మెమోను సస్పెండ్ చేస్తూ తాత్కాలిక ఉత్తర్వులు జారీ చేసింది. కొత్త రాజధాని మాస్టర్ ప్లాన్ వచ్చే వరకు భూ రిజిస్ట్రేషన్లు ఆపాలన్న జీఓపై విచారణ కొనసాగుతుంది. అయితే ఈ తీర్పుతో మళ్లీ రాజధాని ప్రాంతంలో రిజిస్ట్రేషన్లు ఊపందుకోనున్నాయి. రాష్ట్రోన్నత కోర్టు ఈ అంశంపై విచారణ జరుపుతున్న నేపథ్యంలో విచారణ పూర్తయ్యే వరకు కొనుగోళ్లు, అమ్మకాలు కాస్త మందకొడిగానే సాగనున్నాయి. ఈ అంశంలో న్యాయస్థానం తుది తీర్పును ఏ మేరకు ఉంటుందన్న అంశంమై సర్వత్రా ఆసక్తి కోనసాగుతోంది.

జి. మనోహర్