కేసీఆర్ ఫొటో మార్ఫింగ్.. కేసు పెట్టిన పోలిసులు

Posted: 09/20/2014 10:23 AM IST

Case on tdp facebook page for morphing kcr photo

ఫొటో మార్ఫింగ్ లు కొత్తేం కాదు. ప్రముఖులు, హీరోలు, హీరోయిన్లు, రాజకీయ నేతలు ఇలా ఎవరి ఫొటోలనైనా మార్ఫింగ్ చేసి నెట్ లో పెట్టేయటం ఈ మద్య అలావాటైపోయింది. అయితే కొన్నిసార్లు వారి తుంటిర చేష్టలకు కోర్టుకేసులు, చీవాట్లు తప్పవు. ఇప్పుడు టీడీపీకి కూడా అదే పరిస్థితి ఎదురుకానుంది. తెలుగుదేశం పార్టీ ఫేస్ బుక్ పేజ్ పై కేసీఆర్ అభిమానులు ఫిర్యాదు చేశారు. కేసీఆర్ ముఖంలో హిట్లర్ పోలికలు ఉన్నాయని పోలికలు చూపుతూ మార్ఫింగ్ చేసిన ఫొటోను ఈ మద్య టీడీపీ ఫేస్ బుక్ పేజిలో నిర్వాహకులు పోస్ట్ చేశారు. దీనికి చాలా లైకులు పడ్డాయి. కామెంట్లలో రెండు వర్గాల నెటిజన్లు తిట్టుకుని కొట్టుకున్నారు. కూడా.

ఈ ఫొటో మార్ఫింగ్ పై కేసీఆర్ అభిమానులు ఆగ్రహం వ్యక్తం చేస్తున్నారు. మార్ఫింగ్ చేసి తమ అభిమాన నేతను అవమానించారంటూ... కేసీఆర్ అభిమాన సంఘం రాష్ర్ట అధ్యక్షుడు కులకర్ణి, మహిళా అద్యక్షురాలు సుశీలారెడ్డి సెప్టెంబర్ 12న ఎల్బీనగర్ పోలిస్ స్టేషన్ లో ఫిర్యాదు చేసిన విషయం తెలిసిందే. ఈ ఫిర్యాదుపై వారు మొదటగా కేసు నమోదు చేయలేదు. వారం రోజుల తర్వాత అంటే సెప్టెంబర్ 19న శుక్రవారం రోజు కేసు పెట్టారు. టీడీపీ ఫేస్ బుక్ పేజిపై సెక్షన్ 504, 506 ప్రకారం కేసు పెట్టినట్లు పోలిసులు తెలిపారు.

అయితే ఈ కేసులో ఫేస్ బుక్ లో ఫొటో పోస్ట్ చేసినట్లుగా ఎవరి పేరునూ నమోదు చేయలేదు. విచారణ జరిపి.., పోస్ట్ చేసిన వారితో పాటు, మార్ఫింగ్ చేసినవారు, వెబ్ సైట్ నిర్వాహకులపై కేసు పెడతామని ఎల్బీనగర్ పోలిసులు తెలిపారు. ఏదో సరదాకి చేస్తే సరే పోనిలే అనుకుంటాం కానీ.. రాజకీయ పార్టీలు కూడా ఇలా మార్ఫింగులు చేస్తే మామూలుగా ఉండదు అని కేసీఆర్ ఫ్యాన్స్ హెచ్చరిస్తున్నారు. ఆత్మగౌరవ సమస్య అంటే ఇదేనేమో బహుశా !!.

కార్తిక్