ఇందుగలడందు లేదన్నట్లు భగవంతుడు ప్రతి చోటా ఉంటాడని అందరూ నమ్ముతారు. కాని మనదేశ వ్యవస్థ ఆంజనేయుడికి పర్మనెంట్ అడ్రస్ ఒకటి ఇచ్చింది. అంతేకాదు హనుమంతుడికి ఆధార్ కార్డు కూడా ఇచ్చేశారు. రాజస్థాన్ లో వెలుగుచూసిన పవనపుత్రుడి ఆధార్ కార్డు ఇప్పుడు సంచలనం కల్గిస్తోంది. రాజస్థాన్ లోని సికార్ పోస్టాఫీస్ కు ఓ ఉత్తరం వచ్చింది. అయితే దానిపై అడ్రస్ సరిగా లేకపోటంతో.., పూర్తి అడ్రస్ తెలుసుకునేందుకు లెటర్ చించారు పోస్టుమన్లు. కవర్ తెరిచిన వారు ఆశ్చర్యపోయారు ఎందుకంటే అందులో ఆంజనేయుడి ఆధార్ కార్డు ఉంది.
కార్డులో హనుమంతుడి ఫోటో ఉండటంతో పాటు కార్డుదారు పేరు దగ్గర హనుమాన జీ అని తండ్రిపేరు అనే చోట పవన్ జీ అని ఉంది. ఇక కార్డుపై ఉన్న మొబైల్ నంబర్ కు ఫోన్ చేస్తే ఓ వ్యక్తి లిఫ్ట్ చేసి తనకేం సంబంధం లేదని చెప్తున్నాడు. కార్డుపై తన నంబర్ ఎలా వచ్చిందో తెలియదని సమాధానం ఇస్తున్నాడు. దీంతో ఇప్పుడీ కార్డు ఎవరికి ఇవ్వాలి.. ఎవరు పంపారు అని పోస్టల్ శాఖ తల పట్టుకుంటోంది. ఆంజనేయుడికి ఆధార్ కార్డేమిటి భగవంతుడా అని అవాక్కవుతున్నారంతా.
విషయం ఏమిటంటే ఆధార్ కార్డుల జారీ ఏజన్సి చేసిన ఆకతాయి పని ఇది. హనుమాన్ ఫొటోతో ఆధార్ కార్డు వివరాలు నమోదు చేశారు. అది చూసుకోకుండా సిబ్బంది కార్డు జెనరేట్ చేసి తిరిగి పంపారు. ఇది దేశంలో ప్రతిష్టాత్మకంగా చేపట్టిన ఆధార్ జారీ ప్రక్రియ పనితీరు. ఈ ప్రాజెక్టు ఓ ప్రహసనంలా మారిందని చెప్పటానికి ఇంతకంటే ఉదాహరణ అవసరం లేదు. సామాన్యుడి హక్కు అని చాటుతున్న సర్కారు.., అన్నిటికి ఆధార్ లింకు చేస్తుంది. ఇలాంటి లోపాలతో ఉన్న కార్డుల ఆధారంగా పధకాలు అందిస్తామని గొప్పగా చెప్పుకుంటోంది. మరి ఇప్పుడు హనుమంతుడికి రేషన్ కార్డు, గ్యాస్ కనెక్షన్ కూడా వస్తే.., దానికి ఆధార్ అనుసంధానం చేసి ఏ గుడికి పంపుతారో చూడాలి అని నెటిజన్లు సరదాగా సెటైర్లు వేసుకుంటున్నారు.
కార్తిక్
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more