ఒక్క ఫోన్ కాల్ పెళ్ళి ఆపేసింది !!

Posted: 09/03/2014 09:43 AM IST

ఒక ఐడియా జీవితాన్ని మార్చేసినట్లు.., ఒక ఫోన్ కాల్ పెళ్ళిని ఆపేసింది. పీటల మీద ఆగిపోయిన పెళ్లిళ్ళు సినిమాల్లో చాలా చూశాం. అప్పుడప్పుడూ బయట కూడా చూస్తున్నాం. కాని ఇక్కడో ఎంగేజ్ మెంట్ మద్యలో ఆగిపోయింది. అప్పటివరకు కార్యక్రమంలో నవ్వుతూ అందర్ని పలకరించిన అబ్బాయి... చెప్పాపెట్టకుండా చెక్కేశాడు. చివరకు పెళ్ళి కూడా చేసుకోనని చెప్పటంతో అమ్మాయి కుటుంబం అబ్బాయిపై పోలిసులకు కంప్లయింట్ చేసింది. పెళ్ళికొడుకుపై పోలిసులు చీటింగ్ కేసు పెట్టి దర్యాప్తు చేస్తున్నారు.

టోలిచౌకిలో ఉండే మహ్మద్ అబ్దుల్ రవూఫ్ తన కూతురుని మలక్ పేట్ కు చెందిన షౌకత్ అనే అబ్బాయితో పెళ్లి నిశ్చయం జరిగింది. జూన్ 15న ఓ ఫంక్షన్ హాల్ లో గ్రాండ్ గా ఎంగేజ్ మెంట్ కార్యక్రమం కూడా ఏర్పాటు చేశారు. కార్యక్రమానికి వచ్చిన అబ్బాయి షౌకత్ మొదట్లో బాగానే అందరితో పలకరించాడు.., మాట్లాడాడు. అయితే మధ్యలో అతనికి ఓ ఫోన్ కాల్ వచ్చింది. కాల్ మాట్లాడిన అబ్బాయి..., ఎవరికి చెప్పకుండా కార్యక్రమం మద్యలోనుంచే వెళ్లిపోయాడు.

అంతేకాదు అప్పటినుంచి పెళ్ళి వద్దని చెప్తున్నాడు. కొన్నాళ్ళ పాటు షౌకత్ తల్లితండ్రులు, అబ్దుల్ కుటుంబీకులు నచ్చచెప్పారు. అయినా సరే షౌకత్ విన్పించుకోవటం లేదు.., పెళ్లి చేసుకునేది లేదని తెగేసి చెప్పాడు. దీంతో ఆగ్రహించిన అమ్మాయి తరపు వారు అబ్బాయిపై పోలిసులకు ఫిర్యాదు చేశారు. కార్యక్రమం మద్యలో ఆపేసి తమ పరువుకు భంగం కల్గించటంతో పాటు.., భారీగా ఖర్చు చేయించినందుకు చర్యలు తీసుకోవాలని బంజారాహిల్స్ పోలిస్ స్టేషన్ లో ఫిర్యాదు చేశారు. కంప్లయింట్ తీసుకున్న పోలిసులు షౌకత్ పై చీటింగ్ కేసు పెట్టారు.

 

కార్తిక్