బాబు మోదీ వద్ద బిజీబీజీగా

Posted: 05/30/2014 09:40 AM IST

టీడీపీ అధినేత చంద్రబాబు కాసేపటి క్రితం ఢిల్లీ చేరుకున్నారు. ఈరోజు ఆయన ఢిల్లీలో బిజీబిజీగా గడపనున్నారు. ప్రధాని మోడీ సహా పలువురు కేంద్ర మంత్రులతో ఆయన సమావేశమై... పలు సమస్యలపై చర్చించనున్నారు. ముఖ్యంగా విభజనతో ముడిపడిన సమస్యలపై ఆయన దృష్టి సారించనున్నారు.

బాబు ముందు ఈరోజు ఉదయం 10.30 గంటలకు ఆర్థిక మంత్రి అరుణ్ జైట్లీ, 11 గంటలకు జలవనరుల శాఖ మంత్రి ఉమాభారతి, 12.30 గంటలకు ప్రణాళిక శాఖ మంత్రి జితేంద్ర సింగ్, మధ్యాహ్నం 2 గంటలకు పెట్రోలియం శాఖ మంత్రి ధర్మేంద్ర ప్రదాన్, 3.00 గంటలకు ప్రణాళిక సంఘం సభ్యుడు వేణుగోపాల్ రెడ్డి లతో సమావేశమవుతారు.

ఈరోజు సాయంత్రం 4.30 గంటలకు ప్రధానమంత్రి నరేంద్ర మోడీ తో ఆయన భేటీ అవుతారు. . ఇక సాయంత్రం 6 గంటలకు విద్యుత్ శాఖ మంత్రితో సమావేశం కానున్నారు. ఈ పర్యటనలో రాష్ట్రానికి సంబంధించి పెండింగులో ఉన్న కీలకమైన అంశాలను వారితో చంద్రబాబు చర్చిస్తారు.

RS