తెలంగాణా రాష్ట్రం ఏర్పడితే నక్సల్స్ సమస్య?

Posted: 05/22/2014 11:19 AM IST

రాష్ట్ర విభజనకు వ్యతిరేకంగా మాట్లాడినవారు చెప్పిన కారణాలలో ఒకటి తెలంగాణా ప్రత్యేక రాష్ట్రమైనట్లైతే నక్సల్స్ సమస్య పునరావృతమౌతుందని.  ఈ విషయం శ్రీకృష్ణ కమిటీ కూడా సూచించింది.  మాజీ ముఖ్యమంత్రి కిరణ్ కుమార్ రెడ్డి అనేక సందర్బాల్లో నక్సల్స్ ని ఏవిధంగా నియంత్రిస్తూ వచ్చింది తెలియజేస్తూ, అదంతా వృధా అయిపోతుందని, రాష్ట్ర విభజన జరగగానే మావోయిస్ట్ ల దాడులు తిరిగి పెరిగిపోతాయని ఆవేదనను వ్యక్తం చేసారు.

అదంతా ఏమీ లేదని, మావోయిస్ట్ ల ప్రభావం విశాఖ పట్నంలోనే ఎక్కువగా ఉందని తెరాస అధ్యక్షుడు కెసిఆర్ చెప్తూ వచ్చినా, ఆ విషయాన్ని తేలిగ్గా కొట్టిపారెయ్యకుండా ఆయన పోలీసు అధికారులతో చర్చిస్తున్నారు.  మావోయిస్ట్ చర్యలను నియంత్రించటంలో భాగంగా పోలీస్ శాఖను ఏకత్రాటి మీదకు తెస్తే ఎలావుంటుందన్న విషయంలో ఆయన చర్చలు సాగిస్తున్నారు.  

సరిహద్దు ప్రాంతాల్లోనూ, మారుమూల ప్రాంతాల్లోనూ మావోయిస్ట్ ల కదలికలు ఎప్పటికప్పుడు వెను వెంటనే పోలీస్ శాఖలో ఉన్నాతాధికారులకు అందేట్టుగా ఎలా చెయ్యాలన్న దిశగా కెసిఆర్ సమాచార సేకరణ ప్రారంభించారు.  శాంతి భద్రతలు ఉంటేనే అభివృద్ధి సాధ్యం కాబట్టి కెసిఆర్ దాని మీద దృష్టి సారిస్తున్నారు.

-శ్రీజ