ఆంధ్రప్రదేశ్ లో ఎన్నికల నోటిఫికేషన్

Posted: 04/12/2014 11:45 AM IST

2014 సార్వత్రిక ఎన్నికలకు ఎన్నికల కమిషన్ ఈ రోజు నోటిఫికేషన్ విడుదలచేసింది.

సీమాంధ్ర ప్రాంతంలో 13 జిల్లాలలో 25 పార్లమెంటు స్థానాలకు, 175 అసెంబ్లీ స్థానాలకు ఈ రోజు నోటిఫికేషన్ వెలువడింది.

నామినేషన్లను ఈ నెల 19 వరకు స్వీకరించటం జరుగుతుంది.  21న నామినేషన్ల పరిశీలన జరుగుతుంది.  నామినేషన్ల ఉపసంహరణకు సమయం 23 వరకు.  ఎన్నికలు మే 7 న జరుగుతాయి, ఫలితాలు మే 16 న వెలువడతాయి. 

అభ్యర్థుల జాబితాలను విడుదల చెయ్యటంలో తెలంగాణా ప్రాంతంలో ఏప్రిల్ 30 న జరిగే పోలింగ్ కి నామినేషన్లు దాఖలు చెయ్యటంలో జాప్యం, ఆఖరి రోజు గందరగోళం ఏర్పడింది కానీ, ఇప్పటికే పార్టీ పొత్తులు ఒక కొలిక్కి రావటంతో సీమాంధ్రలో అభ్యర్థుల జాబితాలు వెలువడుతున్నాయి కాబట్టి నామినేషన్లను దాఖలు చెయ్యటానికి అభ్యర్థులకు కావలసినంత సమయం లభిస్తుంది.  

-శ్రీజ