ఎన్నికలు సరే కానీ ఫలితాలు ఇప్పుడే వద్దు- సుప్రీం కోర్ట్!

Posted: 03/27/2014 02:19 PM IST

ఏప్రిల్ 6, 11 తేదీల్లో నిర్వహిస్తున్న ఎంపిటిసి, జడ్పిటిసి ఎన్నికలు నిర్వహించటానికైతే సుప్రీం కోర్టు ఆమోదం తెలియజేసింది కానీ, 13 వ తేదీన ఫలితాలను వెల్లడించటానికి బ్రేక్ వేసింది. 

13 వ తేదీన ఫలితాలను వెల్లడించటం సార్వత్రిక ఎన్నికలను ప్రభావితం చెయ్యటమే అవుతుందని సుప్రీం కోర్టు విశ్వసిస్తూ ఆ ఫలితాలను సార్వత్రిక ఎన్నికల తర్వాతనే ప్రకటించాలని ఆదేశించింది.  అంటే ఎన్నికలు ఇప్పుడు జరిగినా, ఫలితాలు మాత్రం మే 7 తర్వాతనే వెలివడతాయన్నమాట. 

సాదారణ ఎన్నికలమీద ప్రభావం పడే అవకాశం ఉన్నందున మున్సిపల్ ఎన్నికల ఫలితాలను వెల్లడించవద్దని ఎన్నికల కమిషన్ ని ఆదేశించవలసిందిగా వచ్చిన పిటిషన్ల మీద విచారించిన కోర్టు పిటిషనర్ల అభిప్రాయంతో ఏకీభవించటం జరిగింది. 

రిఫరెండంగా పనిచేసే ఈ ఫలితాలను చూసిన తర్వాతనే పార్టీలతో పొత్తులు పెట్టుకుందామని తాత్సారం చేస్తున్న పార్టీలకు కూడా ఈ నిర్ణయం వలన పొత్తుల విషయంలో ఆలోచించి నిర్ణయం తీసుకోవలసిన అవసరం ఏర్పడింది. 

-శ్రీజ