తెలంగాణా రాష్ట్ర ఆవిర్భావంలో ఇంతవరకు జరిగింది ఇంటర్వెలని, క్లైమాక్స్ ఇంకా ఉందని అన్నారు తెలంగాణా రాష్ట్ర సమితి అధ్యక్షుడు కె చంద్రశేఖర రావు. కాంగ్రెస్, తెదేపాలు దుర్మార్గులు, వాళ్ళు చెయ్యరు, చెయ్యలేరు అంటూ మండిపడ్డ కెసిఆర్ తెలంగాణా ఆత్మగౌరవాన్ని తెదేపా ఆంధ్రాలోను, కాంగ్రెస్ ఢిల్లీలోను తాకట్టు పెట్టిందని అన్నారు కెసిఆర్. సోనియా ఫోన్ చేస్తే తెలంగాణా కాంగ్రెస్ నేతలు కిక్కురుమనరని, చంద్రబాబు మనసేమే ఆంధ్రా మీదనే ఉందని ఆరోపించిన కెసిఆర్, చంద్రబాబు మనసు తెలంగాణా వైపుందంటే నమ్మలేమని అన్నారు. మనకంటిని మన వేలితోనే పొడవాలని చూస్తున్న చంద్రబాబు సింగపూర్, మలేషియా దేశాలలో తిరిగి వాటిలాగా రాష్ట్రాన్ని మారుస్తామని అంటున్నారు కానీ, ఆయనే మారిపోయారని, పిచ్చి లేచి మెంటల్ ఖరాబై పిచ్చి పిచ్చి కూతలు కూస్తున్నారని కెసిఆర్ వ్యాఖ్యానించారు.
మరోసారి పార్టీల వైఖర్లను స్పష్టం చెయ్యమంటున్న కెసిఆర్
అంతకు ముందు రాష్ట్ర విభజన విషయంలో తెదేపా, కాంగ్రెస్, వైకాపాలను తమ వైఖర్లేమిటో స్పష్టం చెయ్యాలని అడుగుతూ వచ్చిన కేసిఆర్ ఇప్పుడు నదీజలాలు, ఉద్యోగుల విషయంలో తెదేపా, భాజపా, కాంగ్రెస్ పార్టీల వైఖరి ఏమిటో చెప్పాలంటూ డిమాండ్ చేస్తున్నారు.
పోలవరం ప్రాజెక్ట్ ని ప్రస్తుతమున్న డిజైన్ లో కట్టనివ్వం, ఆంధ్రా ఉద్యోగులకు ఆప్షన్లుండవ్. ఆంధ్రాలోనే పనిచెయ్యాలి. తెలంగాణ ఉద్యోగులు తెలంగాణలనే పనిచేస్తరు తెలంగాణ ప్రాజెక్ట్ లలో నీళ్ళు నిండాకనే ఆంధ్రకు నీళ్ళొదుల్తం. ఇది మా పార్టీ వైఖరి. చంద్రబాబూ నీ పాలసీ ఏమిటో చెప్పు. వెంకయ్య నాయుడు రాజ్యసభలో తెలంగాణకు అడ్డు పడటం టివిలో అందరూ చూసింరు. పోలవరం విషయంలో భాజపా వైఖరేమిటో చెప్పాలంటూ కెసిఆర్ డిమాండ్ చేసారు.
తెలంగాణాను అభివృద్ధి చెయ్యటానికి కాని, నీళ్ళు ఉద్యోగాలు పోలవరం విషయంలో పోరాటం చెయ్యటానికి కాని తెలంగాణా రాష్ట్రంలో తెలంగాణా రాష్ట్ర సమితి అధికారంలో ఉండవలసిందేనంటూ కెసిఆర్ వాదించారు.
రేపు ఎన్నికల్లో 16 స్థానాల్లో టిఆర్ఎస్ ని గెలిపించాలి. అప్పుడే బిడ్డా మా వాటా మాకు అక్కడ పెట్టి పొండి అని కేంద్రాన్ని నిలదీయొచ్చు, నీళ్ళు నిధులు జాతీయ ప్రాజెక్ట్ లను కొట్లాడి తీసుకోవచ్చు అని అన్న కెసిఆర్, మన తలరాతలు మనమే మార్చుకోవాలని, కొత్త రాష్ట్రం, కొత్త పంథా, కొత్త నాయకత్వం రావాలని పిలుపునిచ్చారు.
ఆటో డ్రైవర్లకు అభయ హస్తం
తెలంగాణా రాష్ట్ర సమితి వస్తే తెలంగాణా రాష్ట్రంలో ఆటో డ్రైవర్లకు మూడునెలలకోసారి కట్టే రవాణా పన్నుకి మినహాయింపు ఉంటుందని, వాళ్ళు పూర్తిగా కట్టాల్సిన అవసరమే లేకుండా చేస్తామని, వాళ్ళకి పోలీసులు, రవాణా శాఖలనుంచి వేధింపులు లేకుండా చూస్తామని, తెలంగాణాలో 10 జిల్లాలలో ఉన్న 2 లక్షల ఆటో డ్రైవర్ల సంక్షేమంలో జీవన భద్రత, ఆరోగ్య బీమా చేయిస్తామని కెసిఆర్ వాగ్దానం చేసారు.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more