బాబు రావాలి... బాగు పడాలంటున్న ఐటీ ఉద్యోగులు

Posted: 01/24/2014 09:13 PM IST

రానున్న 2014 ఎన్నికల్లో టీడీపీని గెలిపించాలన్న లక్ష్యంతో ఏర్పడ్డ ‘బ్రింగ్ బాబు బ్యాక్ ’ ఫోరం నిర్వహిస్తున్న ‘టీడీపీ యువ చైతన్య సదస్సు ఈ రోజు సాయంత్రం   హైదరాబాద్ లోని కేబీహెబీ లో రమ్య గ్రౌండ్స్ లో టీడీపీ కార్యకర్తలు, ఐటీ ఉద్యోగులు కలిసి పెద్ద ఎత్తున సదస్సు నిర్వహిస్తున్నారు. ఈ సదస్సుకు టీడీపీ నేత నారా లోకేష్ ముఖ్య అతిథిగా హాజరవనున్నారని టీడీపీ మీడియా కమిటీ చైర్మన్ ప్రసాద్ ఒక ప్రకటనలో తెలిపారు.

శనివారం కూకుట్‌పల్లి 7వ ఫేజ్‌లోని జీహెచ్ఎంసీ స్పోర్ట్స్ గ్రౌండ్‌లో సాయంత్రం 4గంటలకు ఈ సదస్సు జరుగుతుందని ఆయన తెలిపారు. ఈ సదస్సుకు రాష్ట్రవ్యాప్తంగా 5 వేల మందికి పైగా ఫోరం వాలంటీర్లు హాజరుకానున్నారని తెలిపారు. ఈ కార్యక్రమం ముఖ్య ఉద్దేశం ఏంటంటే... ఈ తొమ్మిది సంవత్సరాల కాలంలో రాష్ట్రం ఎలా వెనకబడిపోయిందో తెలియజేస్తూ, అవినీతి పాలకుల భరతం పట్టాలంటే... మళ్ళీ తెలుగు దేశం అధికారంలోకి రావాలంటే యువత రాజకీయాల్లోకి రావాలని పిలుపు నివ్వనున్నారు.

ఈ సదస్సులో ‘బాబు రావాలి... బాగు పడాలి ’ అనే నినాదాన్ని కూడా చెప్పబోతున్నారు. ఈ సదస్సులో నారా లోకేష్ బాబు ఐటీ ఉద్యోగుల్ని, యువతను చైతన్య వంతం చేస్తాడని అంటున్నారు.