గుంటూరులో చంద్రబాబు-నరేంద్ర మోడీ హల్ చల్

Posted: 11/16/2013 12:30 PM IST

తెలుగుదేశం పార్టీ అధినేత నారా చంద్రబాబు నాయుడు, గుజరాత్ ముఖ్యమంత్రి నరేంద్ర మోధీ, గుంటూరు జిల్లాలో హల్ చల్ చేయటం జరిగింది. చంద్రబాబు, నరేంద్ర మోడీ ల మద్య మంచి సంబందాలు ఉన్న విషయం తెలిసిందే. రాబోయే ఎన్నికల్లో సైకిల్, కమలం కలిసి పోటీ చేస్తాయని రాజకీయ వర్గాలు అంటున్నాయి. అయితే ఈరోజు గుంటూరు జిల్లోని చేబ్రోలు మండలం నారాకోడూరులో చంద్రబాబు, నరేంద్రమోదీ పేర్లతో పోస్టర్లు వెలిశాయి. చంద్రమోదీ యూత్ పేరుతో ప్లెక్సీ ఏర్పాటు చేశారు.

 

చంద్రబాబును సీఎం చేద్దాం...రాష్ట్రాన్ని కాపాడుదాం, నరేంద్ర మోదీని ప్రధాని చేద్దాం...దేశాన్ని అభివృద్ధి పథంలో నడిపించుకుందాం...ఇది మన సామాజికి అవసరం అని పోస్టర్లలో రాతలు ఉన్నాయి. ఈ పోస్టర్లను ప్రజలు విచిత్రంగా తిలకిస్తున్నారు.

 

గతంలో వైఎస్ఆర్ కాంగ్రెస్ పార్టీ ఆద్వర్యంలో షర్మిల పాదయాత్ర జరుగుతున్న సమయంలో కూడా.. తెలుగుదేశం పార్టీ నాయకుల ఫోటోలు. షర్మిల పాదయాత్రలో కనిపించాయి. జూనియర్ ఎన్టీఆర్, పెద్ద ఎన్టీఆర్ ప్లెక్సీలు వెలిసిన విషయం తెలిసిందే. అప్పట్లో అవి పెద్ద దుమారమే రేపిన విషయం ప్రజలకు తెలుసు. ఇప్పుడు కొత్తగా వెలిసిన చంద్రబాబు-మోడీ ప్లెక్సీల రాజకీయం ఏమిటో? ఈ ప్లెక్సీల దారేటూ పోతుందో చూడాలి.