జగన్ కేసు-ఆధారాలు లేవన్న సీబీఐ

Posted: 09/23/2013 03:41 PM IST

జగన్ అక్రమాస్తుల కేసులో హైకోర్టు ఆదేశించిన అన్ని అంశాలపై దర్యాప్తు పూర్తి అయిందని సీబీఐ తెలిపింది. ఈ మేరకు ఈరోజు ఉదయం హైకోర్టుకు సీబీఐ ఒక మెమోను దాఖలు చేసింది. అయితే ఈ కేసులో పలు కంపెనీల్లో క్విడ్‌ప్రోకో జరిగినట్లు అధారాల్లేవని కోర్టుకు సీబీఐ తెలిపింది. సండూర్ పవర్, కార్మెల్ ఏషియా, పీవీపీ బిజినెస్ వెంచర్స్, జూబ్లీ మీడియా కమ్యూనికేషన్స్, క్లాసిక్ రియాలిటీ కంపెనీ, బ్రహ్మణి ఇన్‌ఫ్రాటెక్, ఆర్ఆర్ గ్లోబల్ ఎంటర్ ప్రైజెస్ సరస్వతి పవర్ అండ్ ఇండస్ట్రీస్, మంత్రి డెవలపర్స్ కంపెనీల్లో క్విడ్‌ప్రోకో ఆధారాలు లేవని సీబీఐ తెలిపింది. అయితే ఈ కేసుల్లో ఇతర ఉల్లంఘనలకు పాల్పడ్డారని, వీటిపై చర్యలకు ఐటీ, ఈడీ విభాగాలకు సిఫార్సు చేసినట్లు సిబిఐ పేర్కొంది. అలాగే శ్యాంప్రసాద్ రెడ్డి వ్యవహారంపై త్వరలో కోర్టుకు రిపోర్టు చేయనున్నట్లు కోర్టుకు సీబీఐ తెలిపింది.