కాంతలతో ఏకాంతం వద్దు- బాబా

Posted: 09/03/2013 07:52 PM IST

కాంతలతో ఏకాంత సేవలకు స్వస్తి చెప్పాలని బాబా రాందేవ్ ఉపదేశమిచ్చారు. నిత్యానందస్వామి లీలలు మర్చిపోకముందే ఆశారాం బాపు ఇచ్చిన షాక్‌ ఆధ్యాత్మిక గురువులను,బాబాలను కలవరపెడుతోంది. అందుకే తోటి గురువులకు,బాబాలకు బాబా రాందేవ్ ఢిల్లీలో ఉపదేశం రూపంలో హెచ్చరిక చేశారు. ఆడవారిని దూరముంచాలని, ఆధ్యాత్మిక సేవల పేరుతో ఏకాంతంలో గడపకండని తోటి బాబాలకు హెచ్చరించారు. అసలే రోజులు బాగాలేవంటున్న బాబా రామ్ దేవ్ కొన్ని సార్లు తప్పు చేయకపోయినా నింద మోయాల్సి ఉంటుందని చెప్పారు. ఆరోపణలు ఎదుర్కోవటం కంటే ఆపదకు దూరంగా ఉండటమే మేలని రామ్ దేవ్ హితవు పలికారు. మరి మిగతా బాబాలు రామ్ దేవ్ మాట వింటారా లేక దొరికితే కదా దొంగ అనుకునే రీతిలో ఎప్పటిలానే ఉంటారా అనేది వారి విజ్ఞత మీదే ఆధార పడి ఉంటుంది.