మూసీ నదిలో కొట్టుకుపోయిన పాప

Posted: 08/15/2013 07:54 PM IST

స్వాతంత్ర్య దినోత్సవం నాడు గురువారం హైదరాబాదులో విషాద సంఘటన చోటు చేసుకుంది. హైదరాబాదులోని నాగోలు ప్రాంతంలో రెండేళ్ల బాలిక తండ్రి చేతుల్లోంచి జారి మూసీనదిలో పడింది. శేఖర్ తన భార్య, రెండేళ్ల పాప మానవితో కలిసి ఉప్పల్‌లోని ఓ పెళ్లికి హాజరై తిరిగి వస్తుండగా ఈ ప్రమాదం చోటు చేసుకుంది. మూసీ నదిలో గల్లంతైన బాలికను రక్షించేందుకు స్థానికులు ప్రయత్నించారు. పోలీసులు కూడా రంగంలోకి దిగారు. గజఈతగాళ్లు పాప కోసం ప్రయత్నాలు సాగించారు. ఆయినా ఫలితం దక్కలేదు.