హైద్రాబాద్ లో సెయిలింగ్ పోటీలు

Posted: 07/24/2013 05:49 PM IST

ఈరోజు హైద్రాబాద్ హుస్సేన్ సాగర్ లోని బోట్ క్లబ్ లో లేజర్ నేషనల్ సెయిలింగ్ ఛాంపియన్ షిప్ పోటీలను ఆంధ్రప్రదేశ్  పర్యాటక క్రీడల మంత్రి వట్టి వసంత కుమార్ ఈ రోజు ప్రారంభించారు.

ఈ నెల 28 వరకు సాగే ఈ క్రీడలో దేశం నలుమూలల నుంచి 120 మంది ఔత్సాహికులు పాల్గొనబోతున్నారు.  ఈ పోటీ 4.7 లేజర్ క్లాస్ బోట్లతో జరుగుతోంది.  ఈ పోటీని లేజర్ క్లాస్ ఎసోసియేషన్ ఆఫ్ ఇండియా నిర్వహిస్తోంది.

లేజర్ క్లాస్ ఒలింపిక్ క్రీడలలో ఒకటని, ఇది ఈ మధ్యకాలంలో చాలా ప్రాధాన్యతను సంతరించుకుంటోందని ఎలక్ట్రానిక్స్ అండ్ మెకానికల్ ఇంజినీరింగ్ సంస్థకు చెందిన రియర్ కమోడోర్ బ్రిగేడియర్ రాజారామ్ ఈ సందర్భంగా తెలియజేసారు.  లేజర్ సైలింగ్ కి హుస్సేన్ సాగర్ చాలా అనువైన స్థలమని చాలామంది కొనియాడారు. 

ప్రభుత్వం తరఫునుంచి ఈ పోటీని సమీక్షించేందుకు నియమించబడ్డ కేప్టెన్ సోలి కంట్రాక్టర్, ఈ క్రీడలలో పాల్గొనటానికి యువతులు కూడా ముందుకొస్తున్నారని అన్నారు. 

-శ్రీజ