పవిత్రమైన మాసం మొదలైంది

Posted: 07/11/2013 02:08 AM IST

ముస్లీం సోదరులకు పవిత్ర రంజాన్ మాసం ఈ రోజు నుండి మొదలైంది. ఆధ్యాత్మిక భావాలు, మానవ అంతర్గత పరిశుభ్రతకు బీజం వేసే పవిత్రమైన రంజాన్ మాసం ప్రారంభమైంది. మానవాళి సంక్షేమం కోసం రూపోందించిన పవిత్ర గ్రంథం ఖురాన్ అవతరించిన విశేష మాసమిది. ముస్లింలు ఈ మాసాన్ని అత్యంత ప్రీతిపాత్రమైన, పవిత్రమైన నెలగా భావిస్తారు. నెలవంక కన్పించడంతో గురువారం నుంచి పవిత్ర రంజాన్ మాసం ప్రారంభం కానుంది. వేలాది మసీదులకు రంగులు వేసి ముస్తాబు చేశారు. ఈ రోజు నుండి ప్రతిరోజు సాయంత్రం ఇప్తార్ వేళలను తెలియజేసేందుకు వీలుగా అన్ని మసీదులు వద్ద సైరన్ లు ఏర్పాటు చేశారు. ఈ సారి రాష్ట్రంలో రంజాన్ పండుగ, బోనాలు ఒకేసారి కలిసి వచ్చాయి. హిందు, ముస్లీంలకు అనుబంధాన్ని సాటిచెప్పే విధంగా రెండు పండుగలు ఒకేసారి రావటంతో హిందు, ముస్లీంలు ఆనందంగా ఉన్నారు.