సీఎంకు రాయపాటి సలహా?

Posted: 07/08/2013 01:16 PM IST

సమైక్యవాదం ప్రతిపాదించాలని గుంటూరు పార్లమెంటు సభ్యుడు రాయపాటి సాంబశివ రావు ముఖ్యమంత్రి కిరణ్ కుమార్ రెడ్డిని కలిసి చెప్పారు. క్యాంపు కార్యాలయంలో కిరణ్ కుమార్ రెడ్డిని పలువురు నేతలు కలుసుకున్నారు. రోడ్ మ్యాపులో సమైక్యాంధ్రకు అనుకూలంగా సూచనలు చేయాలని ఆయన కిరణ్‌ను కోరారు. రాష్ట్రాన్ని ఎట్టి పరిస్థితుల్లోనూ విభజించడానికి వీల్లేదని రాయపాటి ముఖ్యమంత్రికి విజ్ఞప్తి చేశారు. విభజనతో సాగునీరు, విద్యుత్ తదితర వివాదాలు తలెత్తుతాయని, రాష్ట్ర ప్రభుత్వానికి హైదరాబాద్, దాని చుట్టుపక్కల ప్రాంతాల నుంచి దాదాపు 80 శాతం ఆదాయం వస్తుందని, విభజన వల్ల దీనికి గండి పడుతుందని చెప్పారు. హైదరాబాద్, దాని చుట్టూ ఉన్న సీమాంధ్రులు ఉపాధి కోల్పోవాల్సి వస్తుందన్నారు. కిరణ్ ఇచ్చే నివేదికలోనూ ఇవే అంశాలను పొందుపరచాలని విజ్ఞప్తి చేశారు.