కేసిఆర్ ను హెచ్ ఆర్సీకి లాగిన రమ్య ?

Posted: 07/06/2013 05:13 PM IST

బాబాయ్ పరువును బజారుకీడ్చుస్తున్న అన్న కూతురు. కేసిఆర్ కు ఒక పక్క రాములమ్మ దెబ్బ, మరో పక్క అన్న కూతురు దెబ్బ. మహిళల దెబ్బతో కేసిఆర్ కు నిద్రలేకుండా పోతుంది. కె.చంద్రశేఖర రావు అన్నకూతురు, టిఆర్ఎల్ డి(తెలంగాణ రాష్ట్రీయ లోకదళ్) రాష్ట్ర మహిళా అధ్యక్షురాలు వేగులపాటి రమ్య ఈరోజు మానవ హక్కుల సంఘం(హెచ్ ఆర్ సి)ని ఆశ్రయించారు. కెసిఆర్, టిఆర్ఎస్ కార్యకర్తల నుంచి తనకు ప్రాణహాని ఉందని ఫిర్యాదు చేశారు. ఈ ఫిర్యాదు పరిశీలించిన హెచ్ ఆర్ సి ఈ అంశంపై ఆగస్టు 8లోగా నివేదిక ఇవ్వాలని కరీంనగర్ ఎస్ కి ఆదేశాలు జారీ చేసింది. ఇటీవల ఒక సభలో రమ్య కెసిఆర్ ను విమర్శించారు. తెలంగాణ మాదిగ దండోరా నాయకుడు చింతా స్వామి ఆధ్వర్యంలో 'వెయ్యి డప్పులు - లక్ష చెప్పులు' కార్యక్రమం పోస్టర్‌ను విడుదల చేసిన ఆమె మాట్లాడారు. కెసిఆర్ నియంతృత్వ ధోరణిని తాను వ్యతిరేకిస్తున్నానని చెప్పారు. దాంతో ఆగ్రహించిన టిఆర్ఎస్ కార్యకర్తలు కరీంనగర్ లోని ఆమె ఇంటిపై దాడి చేశారు. ఆమె ఇంట్లో వస్తువులను ధ్వంసం చేశారు. ఈ నేపధ్యంలో రమ్మ ఈరోజు హెచ్ ఆర్ సిని ఆశ్రయించారు. వేదికలెక్కి ప్రజలుకు మీటింగ్ లు చెప్పే నాయకుడు కేసిఆర్. అలాంటి కేసిఆర్ కు ఇంటి మహిళలే దండెత్తటంతో.. కేసిఆర్ అసలు రూపం ఏమిటో బయతపడిందని రాజకీయ ప్రత్యర్థులు అంటున్నారు.