విషమంగా మారిన నెల్సన్ మండేలా ఆరోగ్యం

Posted: 06/25/2013 10:37 AM IST

 94 ఏళ్ల దక్షిణాఫ్రికా మాజీ అధ్యక్షుడు నెల్సన్ మండేలా గత కొంతకాలంగా ఊపరితిత్తులు సంబంధమైన వ్యాధితో బాధపడుతున్న విషయం తెల్సిందే. నెల్సన్ మండేలా ఆరోగ్యం విషమంగా ఉన్నట్టు ఆ దేశ అధ్యక్షుడు జాకబ్ జుమా ప్రకటించారు. ఆయన ఊపిరితిత్తులు సంబంధమైన వ్యాధితో బాధపడుతున్నారని, వైద్యులు చికిత్స చేస్తున్నప్పటికీ మండేలా ఆరోగ్యం మెరుగుపడక పోగా మరింత విషమంగా మారిందన్నారు. దీంతో దక్షిణాఫ్రికా ప్రెసిడెంట్ జాకబ్ జూమా ప్రిటోరియాలోని రామ్ ఫోసా ఆసుపత్రిలో చికిత్స పొందుతున్న మండేలాను పరామర్శించారు. దేశ ప్రజలంతా నెల్సన్ ఆరోగ్యం కుదుట పడాలని కోరుతూ ప్రార్థనలు చేయాలని పిలుపునిచ్చారు. ఇదిలావుండగా, నెల్సన్ మండేలా ఆరోగ్య పరిస్థితి మరింత విషమంగా ఉన్నట్టు అధికార ప్రతినిధి మాక్ మహారాజ్ కూడా ప్రకటించిన విషయం తెల్సిందే. ముఖ్యంగా గత 24 గంటల్లో మండేలా ఆరోగ్యం మరింతగా క్షీణించినట్టు వైద్యులు తెలిపారు.