మర్రి జనార్ధన్ రెడ్డి పార్టీకి గుడ్ బై చెప్పారు

Posted: 05/30/2013 01:58 PM IST

మహానాడు విజయవంతంగా జరిగినందుకు ఆనందంలో ఉన్న తెలుగుదేశం పార్టీ అధినేత నారా చంద్రబాబునాయుడు అనుకొని దెబ్బ తగిలింది. జిల్లాలోని టిడిపి నాగర్ కర్నూల్ ఇంఛార్జి మర్రి జనార్ధన్ రెడ్డి పార్టీకి గుడ్ బై చెప్పారు. ఆయన టిడిపి అధినేత చంద్రబాబు నాయుడుకు తన రాజీనామా లేఖను ఫ్యాక్స్ ద్వారా పంపారు. అయితే పార్టీలో అంతర్గత కలహాల వల్లే అతను రాజీనామా సమర్పించినట్లు తెలుస్తోంది. హైదరాబాద్ లోని జెసి బ్రదర్స్ యజమాని అయిన మర్రి జనార్ధన్ రెడ్డి టిడిపి తరపున గత ఎన్నికల్లో తెలంగాణ నగరా సమితి అధ్యక్షుడు నాగం జనార్ధన్ రెడ్డిపై పోటీ చేసి ఓడిపోయారు. అప్పటి నుంచి నియోజకవర్గానికి దూరంగా ఉంటూ వచ్చిన ఆయన తాజాగా పార్టీకి రాజీనామా చేశారు. అయితే ఆయన టిఆర్ఎస్ లో చేరనున్నారనే వార్తలు వినిపిస్తున్నాయి. మరోవైపు బిజెపితోనూ మంతనాలు జరుపుతున్నట్లు సమాచారం. తెలంగాణ ఉద్యమంలో కీలక పాత్ర పోషిస్తున్న ఇరు పార్టీలతో మంతనాలు జరుపుతున్న మర్రి జనార్ధన్ రెడ్డి ఏ పార్టీలో చేరతారనేది తెలియాల్సివుంది.