రాజీవ్ గాంధీ హత్య పై మళ్లీ దర్యాప్తు

Posted: 05/29/2013 06:19 PM IST

భారత మాజీ ప్రధానమంత్రి రాజీవ్ గాంధీ హత్యకేసుపై తిరిగి దర్యాప్తు జరిపించాలంటూ మద్రాసు హైకోర్టులో ప్రజా ప్రయోజన వ్యాజ్యం దాఖలైంది. మదురై న్యాయవాది శాంతకుమార్ సేన్ ఈ పిటిషన్ ను దాఖలు చేశారు. సరైన న్యాయం జరగాలన్న ఉద్దేశంతోనే మళ్లీ దర్యాప్తు జరపాలని కోరుతున్నట్లు, మరుగునపడిన వాస్తవాలను దర్యాప్తు ద్వారా వెలుగులోకి రావచ్చని పిటిషనర్ తన పిల్ లో పేర్కొన్నారు. కొద్ది రోజుల క్రితం సీబీఐ అధికారి రఘోత్తమన్ ఓ టీవీ ఛానల్ కి ఇచ్చిన ఇంటర్వ్యూలో రాజీవ్ హత్య కేసుకు సంబంధించి వీడియో దృశ్యాలు, రికార్డు చేసిన ఆడియో టేపులను సిట్ కు ఇవ్వలేదంటూ వ్యాఖ్యలు చేసిన విషయం తెలిసిందే. ఆ వ్యాఖ్యలను శాంతకుమార్ సేన్ తన పిటిషన్ లో ప్రస్తావించారు.