Posted: 03/24/2013 09:05 AM IST

తెలంగాణా ఉద్యమంలో భాగంగా సడక్ బంద్ కార్యక్రమంలో పాల్గొని అరెస్టైన తెలంగాణా రాజకీయ ఐక్య కార్యాచరణ సమితి ఛైర్మన్ ప్రొ.కోదండరామ్, ఉద్యోగ సంఘాల ఐక్య కార్యాచరణ సమితి నేత శ్రీనివాస్ గౌడ్, తెలంగాణా రాష్ట్ర సమితి నాయకులు ఈటెల రాజేందర్, జూపల్లి కృష్ణారావు, షరతులతో కూడిన బెయిల్ లభించిన కారణంగా నిన్న రాత్రి విడుదల అవటంతో తెలంగాణా వాదులంతా సంతోషంతో వారికి ఆహ్వానం పలికారు.

ఇప్పటి వరకూ ఏం మాట్లాడినా ఊరుకున్న కాంగ్రెస్ ప్రభుత్వం ఇక ఊరుకోం అని చేసిన హెచ్చరికలా భావిస్తున్నారు రాజకీయ విశ్లేషకులంతా. నిన్న బెయిల్ మంజూరు కాకపోయినట్లయితే, ఈ రోజు ఆదివారం అవటం వలన సోమవారం వరకూ జైలులో ఉండవలసి వచ్చేది, అది ప్రభుత్వ ఉద్యోగాలలో ఉన్న కోదండరామ్, శ్రీనివాస్ గౌడ్ ల కొలువులకు ఎసరుపెట్టి ఉండేది. భయపు అంచు వరకూ తీసుకెళ్ళి వదిలిపెట్టేయటం కూడా రాజకీయపుటెత్తులలో భాగమే సుమా అంటున్నారు.