Posted: 02/15/2013 05:58 PM IST

గంధపు చెక్కల  స్మగ్లర్  , అడవి దొంగ  వీరప్పన్  మరణించినప్పుటికి  ఆయన పేరు మీద అతని కుటుంబానికి  25 లక్షల  ఆదాయం వచ్చినట్లు సమాచారం.  వీరప్పన్  భార్య వి. ముత్తులక్ష్మీ  ఇంటికి  లక్ష్మీ దేవి  నడిచి వెళ్లినట్లు  వీరప్పన్ అభిమానులు చెబుతున్నారు.  అసలు విషయం ఏమిటంటే.. తమిళంలో ‘ వనయుద్దం’  అనే సినిమా వీరప్పన్  జీవిత  విశేషాల ఆదారంగా తీయటం జరిగింది.   ఈ విషయం తెలుసుకున్న  వీరప్పన్ భార్య ముత్తు లక్ష్మీ  ఆ సినిమా నిర్మాత పై  కోర్టులో పిటిషన్ దాఖాలు చేసింది.  ఈ సినిమా విడుదల తరువాత  వీరప్పన్ కుటుంబం  తీవ్రమైన  పరిస్థితులను  ఎదుర్కొవాల్సి వస్తుందని  ఆమె ఆందోళన చేందుతూ  సుప్రీం కోర్టును ఆశ్రయించినట్లు  సమాచారం.   దీంతో  అక్షయ క్రియేషన్స్  నిర్మాతలు  ఆమె 25 లక్షలను పరిహారంగా  ఇవ్వటానికి సిద్దమైనట్లు  సమాచారం.