Posted: 01/22/2013 01:08 PM IST

ఉపాధ్యాయుల నియామక కుంభకోణంలో హర్యానా మాజీ ముఖ్యమంత్రి, ఐఎన్ఎల్డీ అధ్యక్షుడు ఓం ప్రకాష్‌ చౌతాలా, ఆయన కుమారుడు అజయ్‌ చౌతాలాకు 10 ఏళ్ల జైలు శిక్ష పడింది. ఈ కుంభకోణంలో ప్రమేయమున్న ఇద్దరు ఐఏఎస్ అధికారులు, మరో ముగ్గురు ఉపాధ్యాయులకు కూడా పదేళ్ల జైలు శిక్ష విధిస్తున్న ఢిల్లీ సీబీఐ కోర్టు తీర్పునిచ్చింది.  మరో వైపు జైలు శిక్ష ఖరారైందని తెలియటంతో ఐఎన్ఎల్డీ కార్యకర్తలు కోర్టు ప్రాంగణంలో పోలీసులతో గొడవకు దిగారు. దీంతో వారిని చెదరగొట్టేందుకు పోలీసులు బాష్పవాయువు ప్రయోగించారు. స్వల్ప లాఠీఛార్జ్‌ చేసి చెదరగొట్టారు. ఇక వీరికి శిక్ష ఖరారైందని తెలియడంతో పోలీసులు వీరిని నిన్ననే తీహార్ జైలుకు తరలించారు. ఈ తీర్పు పై ప్రకాష్ సింగ్ చౌతాలా పై కోర్టుకు వెళ్ళే అవకాశం ఉంది.