Posted: 12/25/2012 09:02 AM IST

కర్ణాటక బిజేపీ రాష్ట్ర అధ్యక్షుడు, ప్రస్తుత ఉప ముఖ్యమంత్రి కెఎస్ ఈశ్వరప్ప న్యాయపరమైన చిక్కుల్లో పడ్డారు. వినోద్  అనే న్యాయవాది ఇచ్చిన ఫిర్యాదు మేరకు అతని ఇంటి పై లోకాయుక్తా దాడులు చేశారు. ఈ దాడుల్లో 37 కిలోగ్రాముల వెండి, 1.9 కిలోగ్రాముల బంగారం స్వాధీనం చేసుకున్నారు. వాటి విలువ 10.9 లక్షల రూపాయలు ఉంటుందని లోకాయుక్తా తెలిపింది. అవినీతికి పాల్పడి ఈశ్వరప్ప ఆస్తులు కూడగట్టుకుంటున్నారని వినోద్ ఆరోపించారు. ఈ దాడుల సమయంలో ఈశ్వరప్ప ఇంట్లో లేరు. ఆయన పర్యటన నిమిత్తం ఉత్తర కర్ణాటకలో ఉన్నారు. ఇక ఈశ్వరప్ప కుటుంబ సభ్యులు అరెస్టు భయంతో ముందస్తు బెయిల్ కోసం ధరఖాస్తు చేసుకున్నారు. ఇక ఈయన పై అవినీతి ఆరోపణలు రావడంతో ప్రతిపక్షాలు ఆయనను రాజీనామా చేయాలని డిమాండ్ చేస్తున్నాయి. అసలే కర్ణాటకలో బీజేపీ పరిస్థితి ఏం బాగా లేదు. ఇలాంటి పరిస్థితులలో ఉప ముఖ్యమంత్రి ఈ దాడులు జరగడం మరింత తలనొప్పిగా మారింది.