Posted: 12/06/2012 05:39 PM IST

ఇప్పటికే టిడిపి ఒక పక్క పాదయాత్ర చేస్తు రాష్ట్రం మొత్తం తిరుగుతుంది.  అయితే ఇటీవల తలసాని శ్రీనివాస్ యాదవ్ కు టీడీపీ అధినేత నారా చంద్రబాబు నాయుడు ..కొన్ని బరువు బాద్యతలు అప్పగించారు. గతంలో ఒకసారి  అలిగి వైఎస్ జగన్ పార్టీలోకి తలసాని వెళుతున్నాడని పుకార్లు వచ్చాయి. వాటిని ద్రుష్టిలో పెట్టుకొని చంద్రబాబు ఆయనకు కొన్ని బాధ్యతలు అప్పగించారు. ఇప్పుడు తలసాని శ్రీనివాస్ యాదవ్  ఆద్వర్యంలో  రాష్ట్ర ప్రభుత్వ ప్రజా వ్యతిరేక పాలనపై  సమరభేరి నిర్వహిస్తున్నారు.  ఈనెల 8వ తేదీ సాయంత్రం నగరంలోని నిజాం కళాశాల  మైదానంలో ఈ కార్యక్రమం  జరుగుతుందని,  జంటనగరాల ప్రజలకు  దిశానిర్దేశం చేయడమే  సమరభేరి ముఖ్య ఉద్దేశమని తలసాని  తెలిపారు.  తెదేపా హయాంలో  జంటనగరాల్లో  జరిగిన అభివ్రుద్దిని  ప్రజలకు వివరిస్తూనే, కిరణ్ సర్కారు  అసమర్థతను  ఈ సమరభేరి  వేదిక ద్వారా ఎండగడతామని తలసాని శ్రీనివాస్ యాదవ్ అన్నారు.