Posted: 12/03/2012 12:38 PM IST

ప్రముఖ అందాల తార, సినీ నటి, పార్లమెంటు సభ్యురాలు జయప్రదకి చేదు అనుభవం ఎదురైంది. తనని ఎంతగా ఆదరించి, గెలిపించిన ఆ నియోజక వర్గ ప్రజలే ఆమెను తీవ్రంగా వ్యతిరేకించారు. గత కొన్ని రోజులుగా రాజకీయ కార్యక్రమాల్లో చురుగ్గా పాల్గొనని జయప్రద చాలా రోజుల తరువాత తన నియోజక వర్గం అయిన రాంపూర్ కి వెళ్ళింది . చాలా రోజుల తరువాత వెళుతున్న జయప్రద కోటి ఆశలతో అక్కడ అడుగుపెడితే.... ఆమెకు తనకు వ్యతిరేకంగా ఉన్న బ్యానర్లు స్వాగతం పలకడంతో ఒక్కసారిగా షాక్ తిన్నంది. కార్యాలయానికి చేరుకున్న ఆమెకు విస్తుపోయే బ్యానర్లు కనిపించాయి.  'మా ఎంపీ కనిపించడం లేదు. ఆమెను పట్టిస్తే పదివేల రూపాయల బహుమతి ఇస్తాం' అని ఈ బ్యానర్లపై రాశారు.  "ముంబై, ఢిల్లీల్లోనే ఉండడానికి ఇష్టపడే ఎంపీ మాకొ ద్దు'' అంటూ ఓ స్థానికుడు ఆగ్రహం వ్యక్తం చేశారు. సమాజ్ వాదీ పార్టీ నుండి సస్పెండ్ అయిన జయప్రద అమర్ సింగ్ తో ఎక్కువ టైం గడపడం, నియోజక వర్గ ప్రజల్ని నిర్లక్ష్యం చేయడంతో ఈ పరిస్థితి ఎదురైందని అంటున్నారు. ఇక రాబోయే ఎన్నికల్లో రాంపూర్ ప్రజలు ఈమెని నమ్మడం కష్టమే కాబట్టి జయప్రద ఎపీ రాజకీయాల పై ద్రుష్టి సారించినట్లు చెబుతున్నారు. మరి వచ్చే ఎన్నికల్లో ఎక్కడి నుండి పోటీ చేస్తుందో చూడాలి.