Posted: 12/03/2012 12:27 PM IST

అక్రమ ఘనుల ఘనుడు అయిన గాలి జనార్థన్ రెడ్డికి 2014 ఎన్నికల లోపు బెయిల్ వస్తే, ఆయన ఎన్నికలలో కనుక పోటీ చేస్తే ఆయన పై పోటీ చేయడానకి సిద్ధంగా ఉన్నానని తమటి మైనింగ్ కంపెనీ యాజమాని, ఆయన బద్ద శత్రువు తపాల గణేష్ స్పష్టం చేశారు. తపాల గణేష్ కి, గాలి జనార్థన్ రెడ్డి కి మధ్య గత కొన్ని ఏళ్ళ నుండి మైనింగ్ వివాదంలో తీవ్ర విభేధాలు ఉన్న విషయం తెలిసిందే. ఈ నేపథ్యంలో గాలిని దెబ్బ తీసేందుకు తాను కూడా రాజకీయ అరంగ్రేటం చేసుకునేందుకు సిద్ధం అవుతున్నాడు. గాలి జనార్దన్ రెడ్డి ఎక్కడ పోటీ చేస్తే అక్కడ తాను పోటీ చేస్తానన్నారు. ఓబుళాపురం గనుల్లో జరిగిన అక్రమాలపై గాలి జనార్దన్ రెడ్డికి వ్యతిరేకంగా పోరాటం చేసిన తాను ఎన్నికల్లో కూడా ఆయనకు వ్యతిరేకంగా పోటీ చేస్తానని చెప్పారు. ఆయన పై పోటీ చేయడానికి నాకు ఏ పార్టీ నుండి టిక్కెట్ ఇవ్వాల్సిన అవసరం లేదని, స్వతంత్ర అభ్యర్థిగానే పోటీ చేస్తానని చెప్పాడు. ఇక తపాలా గణేష్ ప్రకటనతో గాలి వర్గం అప్రమత్తమైందని అంటున్నారు.