Posted: 11/24/2012 10:27 AM IST

 ఇండియన్ ఇనిస్టిట్యూట్  ఆఫ్  మేనేజ్ మెంట్ (ఐఐఎం) కు చెందిన ముగ్గురు విద్యార్థులు మత్తు పదార్థాలు  తీసుకుంటూ  పట్టుబడ్డారు.  దీంతో  విద్యార్థులపై చర్యలు  తీసుకొని ఐఐఎం నుంచి బహిష్కరించినట్లు  ఇనిస్టిట్యూట్ మేనేజ్ మెంట్ తెలిపింది.  ఎంబీఏ రెండో సంవత్సరం చదువుతున్న  ముగ్గురు విద్యార్థులు వసతి గ్రుహంలో నిషేధిత మత్తు పదార్థాలు  తీసుకుంటూ  సిబ్బందికి  దొరికిపోయారని  ఇండోర్  ఐఐఎం ప్రతి నిధి పర్వేజ్ అక్తర్  తెలిపారు.  ఘటనపై  పోలీసులకు  సమాచారమందించినట్లు చెప్పారు. ఐఐఎంలో ఇలాంటి ఘటనలు చోటుచేసుకోవడం ఈ సంవత్సరంలో ఇది  రెండోసారి. గతంలో ఇద్దరు విద్యార్థులు మత్తు పదార్థాలు తీసుకుంటూ పట్టుబడ్డారు.