Posted: 10/27/2012 12:39 PM IST

నారా చంద్రబాబు నాయుడు వస్తున్నా... మీకోసం పాదయాత్ర మహబూబ్ నగర్ జిల్లాలో సాగుతుంది. అయితే నిన్న జిల్లాలోని గద్వాలలో ఏర్పాటు చేసిన సభావేదిక కూలి గాయాలు అయిన విషయం తెలిసిందే. వైద్యుల సలహా మేరకు విశ్రాంతి తీసుకోవాలని భావించిన చంద్రబాబు ఇవాళ ఆయన పాదయాత్రకు బ్రేక్ ఇచ్చారు. శనివారం పాదయాత్రకు బాబు విరామం తీసుకుంటారని ఎమ్మెల్యే రావుల తెలిపారు. రేపు యాత్ర నిర్వహించాలా లేదా అన్నదాని పై సాయంత్రం నిర్ణయం తీసుకుంటామని తెలిపారు. ఎంతో పట్టుదలతో యాత్రను పూర్తి చేయాలని భావిస్తున్న బాబుకు అన్ని అవాంతరాలే ఎదురవుతున్నాయి.