Posted: 10/08/2012 02:59 PM IST

ను క్షణం ప్రజలకు సమాచారం అందిస్తూ... సమాజ అభివృద్ధిలో ముఖ్య పాత్ర షోషించడంలో ముందుంటుంది మీడియా. కానీ కొన్ని సార్లు మాత్రం డబ్బులకు ఆశపడి ఏదైనా చేయడానికి వెనకాడదు కూడా. తాజాగా జీ బిజినెస్ ఛానల్ కూడా డబ్బులకు ఆశపడి ఓ బడా కంపెనీని   మోసం చేసింది. వివరాల్లోకి వెళితే... దేశవ్యాప్తంగా సంచలనం సృష్టించిన బొగ్గు గనుల స్కాంలో కాంగ్రెస్ ఎంపీ నవీన్ జిందాల్‌కు చెందిన కంపెనీకి కూడా అనుచిత లబ్ధి కలిగిందన్న వార్తలు ఇంతకుముందు వచ్చాయి. ఈ విషంలో ' జీ బిజినెస్ ' చానల్ తమను బెదిరించిందని, రూ. 50 కోట్లు ఇవ్వకపోతే ఈ స్కాంపై తమ మీద ప్రత్యేక కథనం చేస్తామంటూ బ్లాక్‌మెయిల్ చేసిందని నవీన్ జిందాల్‌కు చెందిన కంపెనీ పోలీసులకు ఫిర్యాదు చేసింది. దీంతో.. కంపెనీ ప్రతినిధులు ఇచ్చిన ఫిర్యాదు మేరకు ఢిల్లీ పోలీసులలోని క్రైం బ్రాంచి విభాగం జీ బిజినెస్ చానల్ వర్గాలపై 'బలవంతపు వసూళ్ల' కేసును నమోదు చేసింది. అయితే, ఈ ఆరోపణలన్నీ కట్టుకథలేనని, తమను ఇలాంటి కథనాలు ప్రసారం చేయకుండా ఒత్తిడి చేసే వ్యూహమేనని చానల్ అధినేత సుధీర్ చౌదరి అన్నారు. ఒక మీడియా ఛానల్ యాజమాన్యమే ఇలా వ్యవహరించడం సరికాదంటున్నాయి పారిశ్రామిక వర్గాలు.