Posted: 09/12/2012 09:40 AM IST

వారు ఏడెనిమిదేళ్ల పిల్లలు.. ఆడుకుందామని ఎవరో స్నేహితుడు పిలిస్తే బడికి డుమ్మా కొట్టారు. అంతే! ఆగ్రహించిన తల్లి, నానమ్మ.. ఆ పిల్లల దుస్తులిప్పించి, చెట్టుకు కట్టేశారు. కర్ణాటక రాష్ట్రం చిత్రదుర్గ సమీపంలోని కవాడిగరహట్టి గ్రామంలో జరిగిందీ సంఘటన. దర్శన్ (7), అహ్మద్ రియాన్ (8) ఓ ప్రైవేటు పాఠశాలలో ఒకటి, రెండో తరగతులు చదువుతున్నారు. ఇటీవల ఓ రోజు బడికని ఇంట్లోంచి వెళ్లి స్నేహితులతో ఆటలో మునిగిపోయారు. ఈ విషయం తెలిసిన దర్శన్ నానమ్మ గంగమ్మ, రియాన్ తల్లి బీబీ ఆయేషా ఆ పిల్లలను దుస్తులు విప్పించి చెట్టుకు కట్టేశారు. పైగా చీమలు కరవాలంటూ.. వారిపై చక్కెర కలిపిన నీటిని గుమ్మరించారు. ఇది చూసిన ఇరుగుపొరుగువారు ఆ పిల్లలిద్దర్నీ విడిపించారు.