Posted: 08/28/2012 05:14 PM IST

దేశ భక్తిని పెంపొందించే ‘గాంధీ’, ‘ ది మే కింగ్‌ ఆఫ్‌ మహాత్మా’ వంటి చలన చిత్రాల డీవీడీలను సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ (సీబీఎస్‌ఈ)తో అనుబంధమైన పాఠశాలలకు అందించనున్నామని సమాచార, ప్రసార శాఖ సహాయ మంత్రి ఎస్‌.జగత్ రక్షకన్  రాజ్యసభలో వెల్లడిం చారు. ఈమేరకు మంత్రి సభకు ఒక లిఖిత పూర్వక సమాధాన మిచ్చారు.‘ గాంధీ, దిమేకింగ్‌ ఆఫ్‌ మహాత్మా చలన చిత్రాలతో పాటు, సర్దార్‌, డాక్టర్‌ బాబా సాహెబ్‌ అంబేద్కర్‌ వంటి ప్రఖ్యాత చలన చిత్రాల సీడీలు లేదా డీవీడీలను సీబీఎస్‌ఈ బోర్డుకు అనుబంధమైన పాఠశాల లకు అందించాలని మేనెలలో జాతీయ చలన చిత్ర అభివృద్ధి కార్పోరేషన్‌ను సీబీఎస్‌ఈ కోరింది’ అని సభకిచ్చిన సమాధానంలో తెలిపారు. ‘ప్రస్తుతం ఈచిత్రాలను కలిగిన నాలుగు డీవీడీలతో కూడిన సెట్ల ఉత్పత్తి జరుగుతోందని ఈ ప్రక్రియ పూర్తికాగానే సాంస్కృ తిక మంత్రిత్వ శాఖ సలహామేరకు అన్ని పాఠశాలలకు, కళాశాలలకు, విశ్వ విద్యాలయాలకు, పరిశోధన సంస్థలకు వీటిని పంపిణీ చేస్తాము’ అని మంత్రి అన్నారు.