Posted: 08/23/2012 01:33 PM IST

వ్యవసాయానికి ఏడు గంటల విద్యుత్ ఇస్తామని, వెంటనే ఆందోళన విరమించాలని టీడీపీ నేత ఎర్రబెల్లిని ముఖ్యమంత్రి కిరణ్‌కుమార్ రెడ్డి కోరారు. ఎర్రబెల్లికి సీఎం కిరణ్ ఫోన్ చేయగా ప్రకటించిన విధంగా ఏడు గంటల విద్యుత్ ఇవ్వడం లేదని ఎర్రబెల్లి ఫిర్యాదు చేశారు. దీనిపై స్పందించిన సీఎం విద్యుత్ ఇచ్చేందుకు ప్రయత్నిస్తున్నామని, ఆందోళన విరమించాలని కోరారు. ఈ నేపథ్యంలో సీఎంను ఎర్రబెల్లి అపాయింట్‌మెంట్ కోరగా దానికి నిరాకరించిన సీఎం ఇప్పుడు కుదరదని, ఢిల్లీ వెళ్లి వచ్చాక చూస్తామని తెలిపారు. దీంతో ఎర్రబెల్లి మినిస్టర్స్ క్వాటర్స్‌లోనే ఆందోళనను కొనసాగించారు.