Posted: 08/21/2012 05:47 PM IST

తెలుగు దేశం పార్టీ అధ్యక్షుడు చంద్రబాబు నాయుడు ఉన్నట్లుండి వికలాంగుల పై కపట ప్రేమను ప్రదర్శిస్తున్నాడు. ఈరోజు తన నివాసంలో వికలాంగులతో సమావేశం ఏర్పాటు చేశాడు. ఈ సమావేశంలో మాట్లాడుతూ... తాము అధికారంలోకి వస్తే వికలాంగుల పెన్షను రూ. 1500 చేస్తామని, వికలాంగులకు చట్టసభల్లో రిజర్వేషన్లు కలిపిస్తామని, వివాహాం చేసుకుంటే ప్రోత్సాహకాలు అందజేస్తామని అన్నారు. ముఖ్యంగా వికలాంగుల కోసం ప్రత్యేక మంత్రిత్వ శాఖను ఏర్పాటు చేస్తానని, సబ్ ప్లాన్ ఏర్పాటు చేస్తానని హామి ఇచ్చారు. వికలాంగులు సమస్యలను అధిగమించే మనో ధైర్యం ప్రభుత్వం ఇవ్వాలని చంద్రబాబు కోరారు. మొన్నటికి మొన్న బీసీలకు వంద టిక్కెట్లు ఇస్తామని చెప్పాడు.  ఇప్పుడు వికలాంగులకు మంత్రిత్వ శాఖను ఏర్పాటు చేస్తానని చెప్పాడు.

2014 ఎన్నికలకు మరో రెండేళ్ళ ముందు నుండే చంద్రబాబు ఎన్నో వ్యూహాలు రచిస్తున్నాడు. మరి ఇవన్నీ ఫలించి చంద్రబాబును అధికారంలోకి తీసుకొస్తాయో లేదో చూడాలి.