Posted: 08/11/2012 11:25 AM IST

కాంగ్రెస్ నాయకుడు, నిజమాబాద్ పార్లమెంటు సభ్యుడు మధుయాష్కీ ప్రధాని మన్మోహన్ సింగ్ లో సంచలన వ్యాఖ్యలు చేశారు. నిజామాబాద్ జిల్లా పోచంపాడ్ లో జరిగిన ఓ కార్యక్రమంలో పాల్లొన్న ఆయన మాట్లాడుతూ... ప్రధాని తెలంగాణ ఏర్పాటులకు అనుకూలంగా లేరని, అందుకే తెలంగాణ ఏర్పాటు ఆలస్యం అవుతుందని అన్నారు.  తెలంగాణ ప్రాంత నాయకులైన రేణుకా చౌదరి, శశిధర్‌రెడ్డిలు కూడా తెలంగాణకు వ్యతిరేకంగా ఉన్నారని ఆరోపించారు.

తెలంగాణ రాష్ట్ర సమితి (తెరాస) అధ్యక్షుడు కె చంద్రశేఖర రావు పూటకో మాట మారుస్తూ ప్రజలను మభ్యపెడుతున్నారని ఆగ్రహం వ్యక్తం చేశారు. ఆయనకు ఏ సంకేతాలు ఉన్నాయో తెలియదు కానీ తమకెలాంటి సంకేతాలు లేవని తేల్చి చెప్పారు. తెలంగాణ ఏర్పాటు జరగాలంటే అందరూ ఐకమత్యం గా ఉండాల్సిన అవసరం ఉందని అభిప్రాయపడ్డారు. తమ పార్టీ అధ్యక్షురాలు సోనియా గాంధీ నాయకత్వంలోనే తెలంగాణ ఏర్పాటవుతుందని ధీమాగా చెప్పారు.