Posted: 08/08/2012 02:33 PM IST

ఉపాధి కోసం ..పొట్ట చేత పట్టుకొని .. విదేశాలకు వెళ్లిన తెలుగు కార్మికులకు చేదు అనుభావాలు  అవుతున్నాయి.  గల్ఫ్ దేశమైన ఒమన్ రాజధాని మస్కట్‌లో తెల్లవారుజామున కరీంనగర్ జిల్లాకు చెందిన 450 మందిని పోలీసులు అరెస్టు చేసి జైల్లో పెట్టినట్లు ఇల్లంతకుంట మండలం తిప్పాపూర్‌కు చెందిన బోయిని రమేష్ ఫోన్‌లో తెలిపారు. ఇందులో 200 మంది సిరిసిల్ల డివిజన్ పరిధిలోని తొమ్మిది మండలాకు చెందిన వారే. వీరంతా ఏడాదిన్నర క్రితం అక్కడికి వెళ్లారు. ప్రస్తుతం చేస్తున్న పనికి తగిన ప్రతిఫలం లభించడం లేదని బయటికి వచ్చారు. మళ్లీ పని వెతుక్కునే ప్రయత్నంలో ఉండగా అక్కడి పోలీసులకు దొరికిపోయారు. బోయిని రమేష్ ఒక్కడే తప్పించుకుని, కుటుంబసభ్యులకు ఫోన్ చేయడంతో విషయం వెలుగులోకి వచ్చింది.