Posted: 07/19/2012 12:52 PM IST

24 గంటలు  నిద్రపోయే వారిని చూసి ఉంటాం, కానీ నిద్రాహారాలు మాని 40గంటలపాటు వీడియో గేమ్ ఆడిన 18 ఏళ్ళ యువకుడు మృత్యువాతపడిన ఘటన తైవాన్‌లో కలకలం సృష్టించింది. మృతిని పేరు తెలియరాలేదని, ‘చువాంగ్’ అనే అతని ఇంటి పేరును మాత్రమే కనుగొన్నామని పోలీసులు వివరించారు. వివరాలు.. తైనాన్‌లోని ఇంటర్‌నెట్ సెంటర్‌కు చువాంగ్ ఈ నెల 13న వచ్చాడు.వీడియో గేమ్ ప్రారంభించి 40 గంటలపాటు కూర్చున్న చోట నుంచి లేవకుండా గడిపాడు. ఈ నెల 15న నెట్ ఉద్యోగి ఒకరు చువాంగ్‌ను గమనించి పలకరిద్దామని యత్నించగా, కుర్చీలోంచి కిందపడిపోయాడు. దీంతో అతను సమీపంలోని ఆస్పత్రికి తరలించగా చువాంగ్ అప్పటికే మృతి చెందినట్టు వైద్యులు ధ్రువీకరించారు.