Posted: 07/13/2012 11:08 AM IST

అత్యాశకు పోయి ప్రాణం మీదకు తెచ్చుకున్న  ఉదంతం నైజిరియాలో  వెలుగు చూసింది.  నైజీరియాలో  ఘోర ప్రమాదం  సంభవించింది.  చమురు ట్యాంకరు పేలడంతో 200 మందికి పైగా మృతి చెందారు. దాదాపు మరో యాభై మంది తీవ్రంగా గాయపడ్డారు. నైజీరియా దక్షిణ ప్రాంతంలోని రివర్స్ రాష్ట్రంలోని ఓకోగ్బెలో ఈ దుర్ఘటన జరిగింది. రోడ్డు ప్రమాదానికి గురైన ట్యాంకరు నుంచి చిందిన పెట్రోలును సేకరించేందుకు జనం ఎగబడటంతో ఈ ప్రమాదం జరిగింది. ఇప్పటి వరకు 93 మంది  మృతదేహాలను వెలికితీసినట్లు జాతీయ అత్యవసర పరిస్థితుల నియంత్రణ సంస్థ ప్రతినిధి యుషువా షుయిబ్ చెప్పారు. ఈ ప్రమాదంలో దాదాపు మరో యాభై మంది తీవ్రంగా గాయపడ్డారని నైజీరియా జాతీయ రోడ్డు భద్రతా కమిషన్ అధికారులు తెలిపారు. వేకువ జామున రోడ్డు ప్రమాదానికి గురైన ట్యాంకరు నుంచి చిందిన పెట్రోలును దక్కించుకునేందుకు జనం ఎగబడటంతో ఈ దుర్ఘటన జరిగిందన్నారు. బాధితులను తరలించేందుకు, ట్రాఫిక్‌ను నియంత్రించేందుకు సహాయక బృందాలు సంఘటనా స్థలానికి చేరుకున్నాయని అధికారులు తెలిపారు.