Posted: 06/26/2012 01:00 PM IST

కాంగ్రెస్ సీనియర్ నేత, మాజీ రాజ్యసభ సభ్యుడు కె. కేశవరావు కాంగ్రెస్ పార్టీ పై సంచలన వ్యాఖ్యలు చేశాడు. ప్రత్యేక తెలంగాణ రాష్ట్రంకి కాంగ్రెస్ పార్టీనే విలన్ అని, తెలంగాణ రాష్ట్ర ఏర్పాటుకు కాంగ్రెస్ పార్టీ వ్యతిరేకమని సంచలన వ్యాఖ్యలు చేశాడు. ప్రత్యేక రాష్ట్రం కోసం కాంగ్రెస్ పార్టీ ఎంపీలు ఎన్నో నాటకాలు ఆడారు. కానీ వాటిని అధిష్టానం లొంగలేదు. ప్రత్యేక తెలంగాణ రాష్ట్రం ఏర్పడాలంటే... ప్రభుత్వాన్ని మైనార్టీలో పడేయాలని, అసెంబ్లీకి హాజరు కూడదని, అప్పుడే అధిష్టానం మనతో చర్చలు జరిపి తెలంగాణ రాష్ట్రం ఇస్తుందని అన్నారు.

తెలంగాణ తల్లికి రుణపడి ఉం టే.. ఆత్మార్పణలు వృథా కానివ్వం అంటూ శవాలపై ఒట్లు వేసింది నిజమే అయితే 15 మంది ఎమ్మెల్యేలు అసెంబ్లీకి దూరంగా ఉండాలన్నారు. తెలంగాణ కాంగ్రెస్ ఎంపీలతో కలిసి కోర్ కమిటీ సభ్యుడు, కేంద్ర మంత్రి ఏకే ఆంటోనీతో ఆయన సమావేశమయ్యారు. అనంతరం తన నివాసంలో ఏర్పాటు చేసిన విలేకరుల సమావేశంలో కేకే ఇలాంటి వ్యాఖ్యలు చేయడం విశేషం.