Posted: 06/24/2012 05:03 PM IST

      రేసు గుర్రం.. మామూలు గుర్రంతో పోలిస్తే సత్తువలో, సామర్థ్యంలో ఎంతో మేలుగా ఉండే అశ్వం.. రాకెట్ లా దూసుకెళ్లే ఈ గుర్రాలు పందేల్లో బెట్టింగ్  రాయుళ్ళకు కాసుల వర్షం కురిపిస్తాయి. ఒకప్పుడు రాజసానికి ప్రతీకగా భావిస్తూ గుర్రపు స్వారీ చేయడానికే రాజులు ఇష్టపడేవారు. అయితే రాజుల పాలన తర్వాత అధికంగా గుర్రాలు రేసు కోర్టుల్లోనే కనిపిస్తున్నాయి. సత్తువ ఉన్నంత వరకు పరిగెత్తే ఈ గుర్రాలు రేసు తర్వాత మాత్రం శాంతంగా కనిపిస్తాయి. అయితే అవే గుర్రాలు శాంతాన్ని కోల్పోతే బయటపడి వీరంగం చేస్తే. ఎలాఉంటుందో..ఇదిగో.. అనంతపురం జిల్లా హిందూపురంలో రోడ్డుపైకి పరుగెత్తుకొచ్చిన ఓ రేసు గుర్రం బీభత్సం సృష్టించింది. పిచ్చిపిచ్చిగా పరిగెత్తుతూ అడ్డొచ్చినవారినల్లా గాయపరిచింది. గుర్రం చేసిన దాడిలో ఆరుగురు గాయపడ్డారు. రోడ్డుపై వెళుతున్న ఒక వ్యక్తినైతే చేయి విరిగేలా గాయపరిచింది. రోడ్డుపై వెళుతున్న మిగతావారు అరుస్తూ బెదరగొట్టడంతో అశ్వం అక్కడి నుంచి పరుగులు తీసింది. అయితే రేసు గుర్రం కోపం చూసిన స్థానికులు మాత్రం అశ్వం తీరుతో బెంబేలెత్తిపోయారు.

....avnk