Posted: 05/29/2012 07:51 PM IST

సాధారణంగా ఉప్పుని సముద్రపు నీటితో తయారు చేస్తారని మనకు తెలుసు. కానీ ‘కన్నీటి’తో ఉప్పును తయారు చేయడం మనం ఇంత వరకు చూడలేదు. కానీ ఇప్పుడు లండన్ లోని మాన్ స్టర్ ఎంపోరియం భోజనంలో ‘భావోద్వేగ’ రుచి చూపిస్తామంటోంది. కన్నీటితో ఉప్పు తయారు చేసే వినూత్న ఆలోచనకు శ్రీకారం చుట్టింది. అంతే కాకుండా రకరకాల ఆఫర్లు కూడా ఇస్తున్నారు. మీరు బాధలో ఉన్నప్పుడు పెల్లుబికిన కన్నీరా ? సంతోషంగా ఉన్నప్పుడు ఉప్పొంగిన ఆనంద భాష్పాలా ? ఉల్లిపాయలు కోసినప్పుడు వచ్చే కన్నీళ్ళ నుంచా ? వేటినుంచైనా ప్రత్యేకంగా ఉప్పు తయారు చేసి ఇస్తామంటుంది. కానీ కొద్దిగా ఖర్చు తో కూడుకున్న పని అని కూడా చెబుతుంది. కన్నీటి ఉప్పు ఖరీదు ఎంతో తెలుసా ? 30 పౌండ్లు. మరి రేటు చూసి మీరు మాత్రం కన్నీరు కార్చేయకండి.