Posted: 05/26/2012 10:03 AM IST

‘వేదం’ సినిమాలో అనుష్క నటించిన పాట ఒకటి గుర్తుకు వస్తుంది.  ‘‘ఎగిరిపోతే ఎంతబాగుంటుందో’’  అనే పాటలో  అనుష్క బాగా నటించింది.  ఇప్పుడు కాంగ్రెస్ నాయకులు కూడా ఈ పాట పాడుకుంటు గాంధీభవన్ తిరుగుతున్నారట.  కొంతమంది నాయకులు మాత్రమే ..ఈ పాటను పాడుతున్నారట. ఈ పాట విన్న ముఖ్యమంత్రి కిరణ్ కుమార్ రెడ్డి గుండెల్లో  గుబులు పుడుతుందని కాంగ్రెస్ నాయకులు అంటున్నారు . అంటే మిగత నాయకులు ఎప్పుడు ఎగిరిపోతారో అనే భయం కిరణ్ మనస్సులో ఉందని .. కాంగ్రెస్ సీనియర్ నాయకులు అంటున్నారు . ఉత్తరాంధ్ర నుంచి వైఎస్సార్ కాంగ్రెస్ పార్టీలోకి వలసలు పెరుగుతున్నాయి. బొబ్బిలి కాంగ్రెస్ ఎమ్మెల్యే రంగారావు, విశాఖ జిల్లా నుంచి మరో కాంగ్రెస్ ఎమ్మెల్యే, ఉత్తరాంధ్ర ప్రాంతానికి చెందిన ఓ మంత్రి కూడా జగన్ పార్టీలో చేరనున్నట్లు సమాచారం. మరో ముగ్గురు టీడీపీ ఎమ్మెల్యేలు కూడా వైఎస్సార్ సీపీ తీర్థం పుచ్చుకోనున్నట్లు తెలుస్తోంది. ఇప్పటికే బొబ్బిలి నుంచి ఎమ్మెల్యే రంగారావు హైదరాబాద్ బయల్దేరినట్లు సమాచారం. దీంతో కాంగ్రెస్, టీడీపీల్లో కలకలం మొదలైంది. ఇప్పటికే టీడీపీ సీనియర్ నేత మైసురారెడ్డి వైఎస్సార్ సీపీ తీర్థం పుచ్చుకున్నారు. కాంగ్రెస్ ఎమ్మెల్యే ఆళ్ల నాని కూడా జగన్‌తో శుక్రవారం దిల్‌కుషా అతిథి గృహనికి వచ్చిన విషయం తెలిసిందే.