Posted: 05/26/2012 11:42 AM IST

నాడు పాకిస్థాన్ రాజకీయాల్లో ఏకఛత్రాధిపత్యం చేయాలనే ఆశతో ఉన్న ముష్రారఫ్ కు దేశంలో ప్రజాస్వామ్యం రావ డం ఇష్టంలేదని,అందుకే ఆయన తన తల్లి చావుకు కారణమయ్యారని ఆరోపించారు. పాకిస్థాన్ మాజీ అధ్యక్షుడు జనరల్ ఫర్వేజ్ ముష్రారఫ్ తన తల్లిని హత్య చేశాడని దివంగత బెనజీర్ భుట్టో కొడుకు, పాకిస్థాన్ పీపుల్స్ పార్టీ (పీపీపీ) చైర్మన్ బిలావల్ భుట్టో ఆరోపించారు. అమెరికా పర్యటనలో ఉన్న ఆయన ఓ జాతీయ చానల్‌కు ఇచ్చిన ఇంటర్వ్యూలో ఈ ఆరోపణలు చేశారు. దేశ బహిష్కరణ అనంతరం 2007లో స్వదేశానికి వచ్చిన తన తల్లి బెనజీర్ భద్రత విషయంలో ముష్రారఫ్ వెన్నుపోటు పొడిచారని విమర్శించారు. సెక్యూరిటీ కుదింపుపై తన తల్లి బెనజీర్ అప్పట్లో ముష్రారఫ్ ను తీవ్రంగా విమర్శించారని బిలావల్ గుర్తు చేశారు.