Posted: 05/25/2012 06:46 PM IST

అక్రమాస్తుల కేసులో సీబిఐ ముందు హాజరవ్వడానికి జగన్ తో పాటు వెళ్ళిన కాంగ్రెస్ ప్రజాప్రతినిధుల పైన ప్రదేశ్ కాంగ్రెస్ కమిటి కొరడా ఝళిపించింది. విశాఖపట్నం జిల్లా అనకాపల్లి పార్లమెంటు సభ్యుడు సబ్బం హరిని వెంటనే పార్టీ నుండి బహిష్కరించాలని ప్రదేశ్ కాంగ్రెసు కమిటీ పార్టీ అధినాయకత్వాన్ని కోరింది. అలాగే ఏలూరు శాసనసభ్యుడు ఆళ్ల నానికి కూడా షోకాజ్ నోటీసులు ఇచ్చేందుకు పిసిసి సిద్ధమైంది.

ఏ క్షణంలోనైనా ఆయనకు పిసిసి షోకాజ్ నోటీసులు జారీ చేసే అవకాశముంది. దీనిపై కాంగ్రెసు పార్టీ తీవ్ర ఆగ్రహం వ్యక్తం చేసింది. గతంలో జగన్ వైపు వెళుతున్న ఎమ్మెల్యేలపై చర్యలు తీసుకోవడంలో నిర్లక్ష్యంగా వ్యవహరించడం వల్లనే పద్దెనిమిది మంది ఎమ్మెల్యేలు జగన్ వైపు వెళ్లారని నేతలు అభిప్రాయపడుతున్నారు.