Posted: 05/13/2012 05:49 PM IST

      తమ పార్టీని విమర్శించే వాళ్లని ఎలాగైనా ఇబ్బంది పెట్టే పనుల్లో జగన్ పార్టీ తలమునకలైపోతోంది. ఇందులో భాగంగానే  కాంగ్రెస్ రాజ్యసభ సభ్యుడు చిరంజీవి చిన్న కుమార్తె భర్త శిరీష్ భరద్వాజ్‌ను తమ చెంతకు చేర్చుకునేందుకు వైఎస్ఆర్ కాంగ్రెస్ పార్టీ ప్రయత్నాలు మొదలుపెట్టింది. జగన్ పై చిరంజీవి చేస్తోన్న  విమర్శలను కట్టడి చేయడానికి.. చిరంజీవి కుటుంబంతో విభేదించిన చిన్న కుమార్తె శ్రీజ భర్త శిరీష్ భరద్వాజ్‌ను ఆయుధంగా ఉపయోగించుకుని చిరంజీవికి విమర్శలకు కళ్లెం వేయాలన్న యోచనలో వైకాపా నేతలు ఉన్నట్టు సమాచారం.
      భరద్వాజ్‌పై వరకట్న వేధింపులు కేసు కూడా నమోదై ఉన్న నేపథ్యంలో అతన్ని తమ వైపు తిప్పుకునే పనిలో వైకాపా నేతలు ప్రయత్నాల్లో ఉన్నారు. ఇందులోభాగంగా వైఎస్సార్ సీపీ నేత వైవీ సుబ్బారెడ్డితో శిరీష్ భరద్వాజ తాజాగా సమావేశమయ్యారు. ఈ భేటీలో పలు అంశాలపై చర్చకు వచ్చినట్టు తెలుస్తోంది. శిరీష్ తో మెగా ఫ్యామిలీమీద విమర్శలు గుప్పించాలని జగన్ పార్టీ గట్టిగా ప్రయత్నిస్తోంది.

...avnk