Posted: 05/13/2012 01:51 PM IST

పార్లమెంట్ 60 ఏళ్లు పూర్తిచేసుకున్న సందర్భంగా ప్రధాని.. సోనియా లోక్ సభ, రాజ్యసభల నుద్దేశించి ప్రసంగించారు.  21 ఏళ్లుగా రాజ్యసభలో ఉండడం గర్వంగా ఉందని ప్రధాన మంత్రి మన్మోహన్ సింగ్ అన్నారు. ఎంతో మంది ప్రముఖులు రాజ్యసభకు ఎనలేని సేవలు అందించారని ఆయన గుర్తు చేశారు. పార్లమెంట్ సమావేశాలు ప్రారంభమయి 60 ఏళ్లు పూర్తయిన సందర్భంగా ఈ రోజు (ఆదివారం) ప్రత్యేకంగా సమావేశమయిన రాజ్యసభలో ఆయన చర్చను ప్రారంభించారు. ప్రజాస్వామ్య దేశంలో లోక్‌సభకు తోడుగా పెద్దల సభ ఏర్పాటు చేసిన ఘనత మనదేశానికే దక్కుతుందని మన్మోహన్ అన్నారు.
      సామాన్య పౌరుడే ప్రజాస్వామ్యానికి పట్టుగొమ్మని కాంగ్రెస్ పార్టీ అధినేత్రి సోనియా గాంధీ అన్నారు. ప్రపంచంలో బలమైన ప్రజాస్వామ్యం మనదేనని ఆమె పేర్కొన్నారు. జాతి నిర్మాతలు నిర్దేశించిన మార్గంలో మన ప్రజాస్వామ్యం మనుగడ సాగిస్తోందని తెలిపారు. మన చట్ట సభలు అతిపెద్ద ప్రజాస్వామ్యానికి ప్రతీకలని అన్నారు. 60 ఏళ్ల ప్రజాస్వామ్య ప్రయాణంలో ఎన్నో సవాళ్లు ఎదుర్కొన్నామని గుర్తు చేశారు. పార్లమెంట్‌పై దాడిలో వీరోచితంగా పోరాడిన వారికి ఆమె ధన్యవాదాలు తెలిపారు.

...avnk